Uned Atal Trais Cymru De Cymru

Beth yw’r UALlT?

Mae Uned Atal a Lleihau Trais (UALlT) De Cymru, a lansiwyd ym mis Rhagfyr 2025, yn cydweithio â rhanddeiliaid o’r Heddlu, Iechyd, Iechyd y Cyhoedd, Awdurdodau Lleol, Llywodraethau lleol a chanolog a sefydliadau anllywodraethol i gyflawni’r nodau a rennir canlynol:

• lleihau troseddau ac achosion o drais
• lleihau nifer y plant a phobl ifanc sy’n ymuno â’r system cyfiawnder troseddol
• meithrin ymddiriedaeth a hyder mewn Plismona, gan gydweithio i sicrhau De Cymru Diogel, Cyfiawn a Chynhwysol

UALlt De Cymru yw dull strategol y rhanbarth o gyflawni Dyletswydd Trais Difrifol a grant Uned Lleihau Trais Llywodraeth y DU; er mwyn cydweithio i gyflawni’r uchelgeisiau a nodir yn Fframwaith Cymru Heb Drais ar lefel leol.

Beth mae’r UALlT yn ei wneud?

Mae trais yn fater y gellir ei atal, nid yn fater anochel, ac mae pob gweithred dreisgar yn un yn ormod. Mae’r UALlT yn cefnogi’r gwaith o gyflawni pum blaenoriaeth y Cynllun Heddlu, Troseddu a Chyfiawnder, gan ganolbwyntio’n arbennig ar Flaenoriaeth 2: Atal Troseddau a Lleihau Trais, gan ddefnyddio dull system gyfan, sy’n ystyriol o drawma ac yn seiliedig ar le:

• comisiynu, cydlynu a gwerthuso ymyriadau sy’n seiliedig ar le
• ymgysylltu’n strategol â Byrddau Trais Lleol
• cynnull awdurdodau a bennwyd drwy Fwrdd Strategol Atal a Lleihau Trais De Cymru
• cynnal digwyddiad Data a Gwybodaeth rhanbarthol i gefnogi’r broses o gomisiynu a dysgu wedi’i harwain gan dystiolaeth
• gweithio mewn partneriaeth gydag Iechyd Cyhoeddus Cymru i barhau i rannu gwybodaeth a seilwaith dysgu ledled Cymru gyfan
• rhoi plismona ataliol ar waith a’i hyrwyddo ar y cyd drwy addysg, diogelu, gorfodaeth a dargyfeirio