Ar grwydr yn eich cymuned

Mae gwrando ar y cyhoedd yn rhan allweddol o rôl Comisiynydd yr Heddlu a Throseddu.

Yn ddiweddar, mae eich Comisiynydd, Emma Wools wedi bod ‘ar grwydr’ yn ymweld â sawl cymuned ar draws De Cymru, yn siarad gyda busnesau, grwpiau cymunedol, cynghorwyr, staff llinell, Swyddogion Cymorth Cymunedol yr Heddlu a phobl ar y stryd. Mae’r sgyrsiau hyn yn rhan bwysig o’r gwaith o lunio Cynllun Heddlu a Throseddu Emma, a fydd yn nodi amcanion, blaenoriaethau ac anghenion sy’n gysylltiedig â phlismona, troseddau a chyfiawnder troseddol yn Ne Cymru.

Hyd yn hyn, mae’r sgyrsiau wedi cynnwys ymddygiad gwrthgymdeithasol, dwyn o siopau, defnydd o gyffuriau ac alcohol, plismona gweledol, diogelwch personol, troseddau casineb, diwylliant gangiau, cefnogaeth i ddioddefwyr troseddau, gwahaniaethu, trais yn erbyn menywod a merched, cyllid ar gyfer cynlluniau atal troseddau a dulliau gweithredu newydd i rymuso’r gymuned.

Mae sgwrsio’n uniongyrchol â’r bobl leol, dioddefwyr a chymunedau am faterion sydd o bwys iddynt ac sy’n effeithio arnynt lle maent yn byw neu’n gweithio, a’u profiadau o blismona lleol yn Ne Cymru wedi bod yn allweddol i sicrhau bod y blaenoriaethau a ddatblygir yng nghynllun Heddlu a Throseddu Emma yn adlewyrchu anghenion a safbwyntiau’r bobl leol.

Dros yr wythnosau nesaf, bydd Emma yn parhau gyda’i hymweliadau cymunedol ym Mro Morgannwg, Abertawe, Pen-y-bont ar Ogwr a Chaerdydd.

Os hoffech rannu eich adborth am blismona a chyfiawnder troseddol, cymerwch ran yn arolwg y Comisiynydd – https://lynngroup.qualtrics.com/jfe/form/SV_bKG0t9dhk1inBJA

Mae’r arolwg hwn yn cau ddydd Gwener 4 Hydref

Mae copïau papur o’r arolwg, gan gynnwys print bras a Hawdd eu Darllen ar gael drwy gysylltu â’n swyddfa:  comisiynydd@heddlu-de-cymru.pnn.police.uk/ 01656 869366