Treuliodd y Comisiynydd amser ym Mhen-y-bont ar Ogwr yr wythnos hon fel rhan o’i hymgyrch Diwrnodau Yn Eich Cymuned, gan gyfarfod â phobl ifanc i glywed yn uniongyrchol am y materion a’r cyfleoedd sy’n llywio cymunedau lleol.
Yn ystod yr ymweliad, gwnaeth y Comisiynydd gyfarfod â disgyblion Blwyddyn 8 yn Ysgol Gyfun Bryntirion i ddysgu pam y maent wedi dewis Ymddiriedolaeth Ieuenctid Heddlu De Cymru fel eu helusen ar gyfer y flwyddyn. Roedd y disgyblion yn llawn brwdfrydedd wrth iddynt rannu eu cynlluniau i godi arian ac ymwybyddiaeth dros y misoedd sydd i ddod, gan ddangos yn glir eu hangerdd a’u hymrwymiad i gefnogi canlyniadau cadarnhaol i bobl ifanc ledled De Cymru.
Hefyd, ymwelodd y Comisiynydd ag Ysgol Heronsbridge, lle y gwnaeth gyfarfod â disgyblion a gyfrannodd at y gwaith o ddatblygu ei Chynllun i Blant a Phobl Ifanc. Drwy rannu eu profiadau, eu syniadau a’u hadborth, chwaraeodd y disgyblion hyn rôl hanfodol wrth lywio’r blaenoriaethau yn y cynllun. Achubodd y Comisiynydd ar y cyfle i ddiolch iddynt yn bersonol am eu cyfraniadau ystyrlon ac effeithiol.
I gael y wybodaeth ddiweddaraf am Ddiwrnodau Yn Eich Cymuned yn y dyfodol a gweithgareddau diweddaraf y Comisiynydd, gwnewch yn siŵr eich bod yn dilyn ein sianeli cyfryngau cymdeithasol am ddiweddariadau rheolaidd.
Y Diweddariadau Diweddaraf
Arhoswch yn wybodus gyda'n tudalen newyddion sy'n cynnwys y diweddariadau diweddaraf ac unrhyw ddatblygiadau.'
Newyddion
Y Comisiynydd yn lansio podlediad i roi sylw i’r cwestiynau a’r pryderon sydd gan drigolion
Y Prif Gwnstabl Vaughan yn ymddeol ac yn cael ei ailbenodi – Datganiad gan Gomisiynydd yr Heddlu a Throseddu
