Heddlu De Cymru yn agor ei ddrysau ar gyfer diwrnod llawn hwyl

Ddydd Sadwrn 29 Mehefin, agorodd Pencadlys Heddlu De Cymru ei ddrysau i’r cyhoedd ar gyfer diwrnod llawn hwyl, lle gallai pobl o bob oedran fynd y tu ׅôl i’r llen yn adrannau’r Heddlu a dysgu mwy am y gwahanol rolau ym maes plismona.

Roedd y diwrnod i deuluoedd yn cynnwys amrywiaeth o atyniadau, gweithgareddau, teithiau tywys, ac arddangosiadau i apelio i bob oedran.

Roedd gan aelodau o dîm Comisiynydd yr Heddlu a Throseddu lawer i’w gynnig ar eu stondin, yn amrywio o eitemau diogelwch personol, gweithgareddau plant a’u ‘blychau tocynnau tŷ’ i gasglu adborth am ‘beth sydd o bwys i chi’.

Dywedodd Comisiynydd yr Heddlu a Throseddu, Emma Wools “Mae digwyddiadau plismona fel hyn i deuluoedd yn hynod bwysig ar gyfer helpu i feithrin cydberthnasau rhwng trigolion a’r tîm plismona lleol. Mae cael y cyfle i arddangos yr holl rolau a swyddogaethau yn galluogi Heddlu De Cymru i roi gwell dealltwriaeth o’r ffordd y mae’r heddlu yn defnyddio technoleg, cyfarpar a cherbydau i gyflawni eu dyletswyddau. Roedd yn bleser gweld mwy na 5,000 o ymwelwyr yn bresennol yn y digwyddiad a’r diddordeb a ddangoswyd gan bobl yn yr amrywiaeth o stondinau drwy gydol y dydd. Diolch i bawb a gymerodd yr amser i siarad â mi yn bersonol a’r rhai a rannodd eu hadborth â fy nhîm.”