Swyddog Polisi (Diogelwch Cymunedol)

TEITL SWYDD: Swyddog Polisi (Diogelwch Cymunedol)

GRADD: PO1/2 (£39,813 – £45,147)

LLEOLIAD: Pencadlys yr Heddlu, Pen-y-bont ar Ogwr

ORIAU: 37

CYFNOD: Parhaol

FETIO: MV/SC

Mae cyfle cyffrous wedi codi i ymuno â Swyddog Comisiynydd yr Heddlu a Throseddu, De Cymru. Bydd y Swyddog Heddlu (Diogelwch Cymunedol) yn cefnogi’r Pennaeth Diogelwch Cymunedol i sicrhau gweithgarwch partneriaeth Diogelwch Cymunedol er mwyn lleihau ac atal troseddau, gan ganolbwyntio’n benodol ar Ymddygiad Gwrthgymdeithasol a Chydlyniant Cymunedol, rhoi strategaethau, polisïau a datblygiadau newydd ar waith mewn perthynas â Diogelwch Cymunedol.

Bydd angen i’r Swyddog Polisi ddatblygu cydberthnasau cryf â phartneriaid er mwyn cyflawni ffyrdd effeithlon, effeithiol, cydweithredol ac arloesol o weithio er mwyn nodi arfer gorau ledled De Cymru. Bydd deiliad y swydd yn ganolog i sicrhau y caiff blaenoriaethau Comisiynydd yr Heddlu a Throseddu eu gweithredu drwy weithio’n effeithiol mewn partneriaeth, gan gefnogi canlyniadau gwell i gymunedau ledled De Cymru.

Mae hon yn swydd allweddol yn y Gyfarwyddiaeth Cymunedau, Partneriaethau ac Atal sy’n gofyn am unigolyn dynamig o safon uchel sy’n ymddwyn yn broffesiynol ac mewn ffordd ragweithiol a gwydn, sydd â dealltwriaeth o dirwedd partneriaethau ledled De Cymru. Bydd yr unigolyn hefyd yn awyddus i wneud gwahaniaeth ynghyd â meddu ar sgiliau cyfathrebu a threfnu er mwyn gwireddu’r weledigaeth honno.

I gael gwybodaeth am y rôl, cysylltwch â’r Pennaeth Diogelwch Cymunedol, Gemma Woolfe (gemma.woolfe@south-wales.police.uk)

I wneud cais, dylech gyflwyno CV cynhwysfawr, llythyr eglurhaol manwl a Ffurflen Wybodaeth Manylion Personol a Monitro i hrcommissioner@south-wales.police.uk yn nodi sut rydych yn bodloni gofynion y rôl hon erbyn 28.07.2025 12pm . Dylech sicrhau nad yw eich llythyr eglurhaol yn fwy na dwy ochr o A4.