Pennaeth Cyfiawnder Troseddol a Dioddefwyr

Teitl Swydd: Pennaeth Cyfiawnder Troseddol a Dioddefwyr

Gradd: PO4/5 £48,894 gan godi i £54,879

Lleoliad: Pencadlys Heddlu De Cymru, Pen-y-bont ar Ogwr

Oriau: 37

Cyfnod: Cyfnod Penodol o 12 Mis

Lefel Fetio Ofynnol: MV/SC

Y Rôl a Chyfrifoldebau

Mae’n bleser gallu gwahodd ceisiadau ar gyfer y rôl Pennaeth Cyfiawnder Troseddol a Dioddefwyr. Swydd arweinyddiaeth strategol sy’n cynnig cyfle i wella prosesau Cyfiawnder a Chymorth i Ddioddefwyr yn Ne Cymru.

Gan weithio’n agos gyda’r Cyfarwyddwr Cyfiawnder i gydlynu partneriaethau amlasiantaethol, goruchwylio’r gwaith o ddatblygu polisïau a sicrhau bod hawliau ac anghenion dioddefwyr yn rhan ganolog o hyd o flaenoriaethau cyfiawnder y rhanbarth. Byddwch yn hanfodol wrth integreiddio gwaith y Bwrdd Cyfiawnder Troseddol Lleol, gan fynd i’r afael â heriau systemig a gwella canlyniadau cyfiawnder i gymunedau.

Mae hwn yn gyfle unigryw i gael effaith wirioneddol o fewn tirwedd cyfiawnder troseddol yn Ne Cymru. Byddwch yn gweithio ochr yn ochr â gweithwyr proffesiynol dynodedig, gan helpu’r Comisiynydd gyflawni ei blaenoriaethau o sicrhau system deg a chyfiawn gan sicrhau bod dioddefwyr yn rhan ganolog o’r system.

Rydym yn chwilio am:

• Unigolyn sy’n meddwl yn strategol â phrofiad o Gyfiawnder Troseddol a gwybodaeth am wasanaethau cymorth i ddioddefwyr
• Sgiliau arwain cadarn, yn arbennig wrth reoli cydweithio amlasiantaethol
• Meddu ar ddealltwriaeth fanwl o bolisi cyfiawnder a fframweithiau cyfreithiol
• Ymrwymiad i degwch, tryloywder a chyflwyno gwelliannau cyfiawnder sy’n canolbwyntio ar y dioddefwr
• Galluoedd dadansoddi a phenderfynu cryf i gefnogi diwygio cyfiawnder parhaus

Yr Hyn Rydym yn ei Gynnig:

• Cyflog cystadleuol sy’n adlewyrchu lefel uwch a chyfrifoldebau’r rôl
• Cynllun pensiwn rhagorol
• Cyfleoedd i ddatblygu’n broffesiynol
• Cyfle i wneud gwahaniaeth sylweddol i’r system Cyfiawnder Troseddol
• Trefniadau gweithio hyblyg
• Amgylchedd gwaith cefnogol a chydweithredol

Mae Heddlu De Cymru a Swyddfa Comisiynydd yr Heddlu a Throseddu yn ymrwymedig i sicrhau cydraddoldeb, amrywiaeth a chynhwysiant. Rydym yn croesawu ceisiadau gan bob ymgeisydd cymwys ni waeth beth fo’i gefndir. Mae’r rôl yn gofyn am weithio gydag amrywiaeth eang o randdeiliaid a gall fod angen teithio ledled De Cymru ac yn genedlaethol o bryd i’w gilydd. Mae’n bosibl y bydd angen i chi weithio gyda’r nos ac ar y penwythnos er mwyn mynychu cyfarfodydd partneriaeth a digwyddiadau cymunedol.

Am ragor o wybodaeth a thrafodaeth anffurfiol am y rôl, cysylltwch â   Sian Rees (Cyfarwyddwr Cyfiawnder ar: sian.rees5@south-wales.police.uk.

I wneud cais, dylech gyflwyno CV cynhwysfawr, llythyr eglurhaol manwl a Ffurflen Wybodaeth Manylion Personol a Monitro i hrcommissioner@south-wales.police.uk gan nodi sut rydych yn bodloni gofynion y rôl hon erbyn 20.07.2025 5YP. Dylech sicrhau nad yw eich llythyr eglurhaol yn llai na ffont maint 10 nac yn fwy na dwy ochr o A4.