Yn Eich Cymuned – Yn ymweld â chalon y Rhondda

Treuliodd y Comisiynydd amser yn y Rhondda yr wythnos hon fel rhan o’i diwrnodau ‘Yn Eich Cymuned’ dynodedig.

Dechreuodd y Comisiynydd y diwrnod yn cyfarfod â Chynghorydd lleol a oedd yn awyddus i dynnu sylw at y mentrau cadarnhaol sy’n cael eu harwain gan gynrychiolwyr cymunedol i wella gwasanaethau yn eu cymuned. Ymwelodd y Comisiynydd ag Ysgol Gynradd Penywaun i feithrin dealltwriaeth ddyfnach o’r heriau sy’n wynebu’r ardal, ac roedd  yn galonogol clywed am yr ymdrechion sylweddol sy’n mynd rhagddynt i atgyfnerthu llesiant a chymorth myfyrwyr.

Nesaf, ymwelodd â Chanolfan Cana sy’n gwasanaethu fel hyb dynodedig i drigolion gael cymorth ariannol a chymorth llesiant, ynghyd â chyfleoedd i feithrin sgiliau newydd. Mae’r ganolfan yn chwarae rôl hanfodol wrth atgyfnerthu’r gymuned, gan ddarparu cymorth hanfodol a helpu pobl leol i ffynnu.

Yna, gwelodd y Comisiynydd drosti ei hun y gwaith effeithiol sy’n cael ei wneud gan Ymddiriedolaeth Pentref Cambrian. Drwy amrywiaeth eang o raglenni, mae’r Ymddiriedolaeth yn parhau i gefnogi unigolion a theuluoedd, gan atgyfnerthu cysylltiadau cymunedol a gwella llesiant cyffredinol.

Daeth y diwrnod i ben gydag ymweliad â Chlwb Ieuenctid Glynrhedynog, i ddiolch i bobl ifanc am gyfrannu at Gynllun i blant a phobl ifanc, ‘Yn ddiogel, yn cael eich clywed, yn cael eich parchu’. Drwy rannu eu profiadau a’u hadborth, gwnaethant chwarae rôl hanfodol wrth lywio ei flaenoriaethau, sy’n chwarae rôl allweddol wrth ddwyn gwasanaethau i gyfrif.

I gael y wybodaeth ddiweddaraf am Ddiwrnodau Yn Eich Cymuned yn y dyfodol a gweithgareddau diweddaraf y Comisiynydd, gwnewch yn siŵr eich bod yn dilyn ein sianeli cyfryngau cymdeithasol am ddiweddariadau rheolaidd.