Yn Eich Cymuned – Castell-nedd a Phort Talbot

Yn Eich Cymuned

Yr wythnos hon, roedd Comisiynydd yr Heddlu a Throseddu, Emma Wools, allan yng Nghastell-nedd a Phort Talbot yn cynnal ei diwrnod ‘Yn Eich Cymuned’ diweddaraf, yn gwrando ar yr hyn sydd bwysicaf i chi gan drigolion a chynrychiolwyr lleol.

Roedd yr ymweliadau yn cynnwys cyfarfod â:

• Timau plismona yn y gymdogaeth
• Gwleidyddion lleol
• Bore coffi cymunedol
• Grŵp gwirfoddol Forward 4 Fairlyand
• Cartref Plant Hillside Secure

Yn dilyn lansiad diweddar Cynllun yr Heddlu, Troseddu a Chyfiawnder i Blant a Phobl Ifanc y Comisiynydd, rhoddodd yr ymweliad hwn gyfle i gysylltu â thrigolion Hillside a gymerodd ran amlwg yn y broses o greu’r cynllun a diolch iddynt. Cyfrannodd dros 5,000 o blant a phobl ifanc ledled De Cymru i sicrhau bod eu lleisiau’n cael eu clywed a’u bod yn gallu teimlo’n ddiogel ac yn cael eu parchu yn eu cymunedau.

Y Cynllun Plant a Phobl Ifanc yw’r un cyntaf o’r fath yn Ne Cymru, yn gosod chwe blaenoriaeth glir sy’n sicrhau bod lleisiau pobl ifanc yn cael eu clywed mewn plismona a diogelwch cymunedol ar draws De Cymru. Dysgwch fwy am y cynllun yma

Mae siarad yn uniongyrchol â phlant a phobl ifanc, trigolion, grwpiau cymunedol, timau plismona yn y gymdogaeth a gwleidyddion lleol am eu safbwyntiau a’u profiadau yn eu cymunedau yn holl bwysig wrth lywio a darparu blaenoriaethau ar draws Cynllun yr Heddlu, Trosedd a Chyfiawnder a Chynllun yr Heddlu, Trosedd a Chyfiawnder i Blant a Phob Ifanc.

Yn ystod yr ymweliad hwn, mae’r pynciau y trafodwyd yn cynnwys:

• Troseddau manwerthu
• Diogelwch cymunedol
• Diogelwch ar-lein
• Bregusrwydd i gamfanteisio a/neu radicaleiddio
• Gwaith partneriaeth positif
• Plant a Phobl Ifanc

Cadwch lygad ar ein sianeli i weld rhagor o weithgareddau cymunedol y Comisiynydd.