Crynodeb
Arolygiadau Arolygiaeth Cwnstabliaeth a Gwasanaethau Tân ac Achub Ei Mawrhydi
Mae Arolygiaeth Cwnstabliaeth a Gwasanaethau Tân ac Achub Ei Fawrhydi (HMICFRS) yn asesu yn annibynnol effeithiolrwydd ac effeithlonrwydd yr heddluoedd a’r gwasanaethau tân ac achub. Mae HMICFRS yn arolygu heddluoedd yn genedlaethol yn rheolaidd drwy Raglen Arolygu Thematig. Mae’r arolygiadau hyn yn swyddogaeth gritigol sy’n galluogi’r cyhoedd, yr heddluoedd a Chomisiynwyr yr Heddlu a Throseddu i ddeall pa mor dda mae’r heddluoedd lleol yn perfformio. Mae HMICFRS yn holi cwestiynau y maent yn credu sydd o ddiddordeb i’r cyhoedd, gan ddefnyddio eu harbenigedd i ddehongli tystiolaeth ac i gyhoeddi gwybodaeth glir.
Mae gan Gomisiynydd yr Heddlu a Throseddu gyfrifoldeb i ymateb i adroddiadau sy’n cael eu cyhoeddi gan Arolygiaeth Cwnstabliaeth a Gwasanaethau Tân ac Achub Ei Fawrhydi (HMICFRS) mewn perthynas â’i heddlu ef/hi o fewn 56 diwrnod calendr o’r adroddiad. Mae’r cyfarwyddiadau wedi’u nodi yn Adran 55 o Ddeddf yr Heddlu 1996.
Mae’r gyfraith yn ei gwneud yn ofynnol i Gomisiynydd yr Heddlu a Throseddu anfon yr ymatebion hyn i HMICFRS a’r Swyddfa Gartref ac yna eu cyhoeddi yn y modd y cred sydd fwyaf addas – a restrir isod ar gyfer Heddlu De Cymru.
Mae’n ofynnol i Gomisiynwyr yr Heddlu a Throseddu gyhoeddi adroddiad lefel yr heddlu HMICFRS diweddaraf ar effeithiolrwydd, effeithlonrwydd a dilysrwydd yr heddlu (y cânt hefyd eu hadnabod fel adroddiadau PEEL) PEEL 2023–2025: Arolygiad o Heddlu De Cymru – Arolygiaeth Cwnstabliaeth a Gwasanaethau Tân ac Achub Ei Fawrhydi
I weld adroddiadau arolygu Heddlu De Cymru, gellir dod o hyd iddynt ar wefan HMICFRS gan ddefnyddio’r linc De Cymru – Arolygiaeth Cwnstabliaeth a Gwasanaethau Tân ac Achub Ei Fawrhydi