Mynd i'r Afael a Thrais yn Erbyn Menywod a Merched: Strategaeth ar y Cyd
Mynd i’r Afael a Thrais yn Erbyn Menywod a Merched: Strategaeth ar y Cyd
Mynd I’r Afael â Thrais yn Erbyn Menywod a Merched: Strategaeth ar y Cyd 2019-2024
Mae trais yn erbyn menywod yn cynnwys amrywiaeth eang o feysydd gan gynnwys cam-drin domestig, trais rhywiol, stelcio, anffurfio organau cenhedlu benywod, masnachu, a thrais ar sail “anrhydedd” fel y’i gelwir. Y gwirionedd pur yw bod menywod yn fwy tebygol o ddioddef camdriniaeth ddomestig na dynion, sy’n cyferbynnu â phob math arall o droseddau treisgar lle mae dynion yn fwy tebygol o fod yn ddioddefwyr. Yn ystod 2022/23 rhoddwyd gwybod am 32,315 o achosion o gam-drin domestig yn Ne Cymru.
Gyda Phartneriaid a’r Prif Gwnstabl, yn ddiweddar rydym wedi datblygu Mynd i’r Afael â Thrais yn Erbyn Menywod a Merched: Strategaeth ar y Cyd 2019-2024
Caiff Trais yn Erbyn Menywod a Merched ei ystyried fel blaenoriaeth yn Adroddiad Blynyddol Comisiynydd yr Heddlu a Throseddu De Cymru. Rydym yn canolbwyntio ar 4 prif faes:
- Gwell Cydweithio
- Atal ac Ymyrryd yn Gynnar
- Diogelu
- Cyflawnwyr
Beth am drais yn erbyn dynion?
Rydym yn gwybod y gall y math hwn o gamdriniaeth effeithio ar ddynion a bechgyn hefyd a’u bod yn dioddef trais. Byddwn yn sicrhau bod yr heddlu’n parhau i gynnig y gwasanaeth a’r cymorth gorau posibl i ddioddefwyr gwrywaidd. Fodd bynnag, rydym ym gwybod mae menywod yn cael eu heffeithio’n anghymesur o ran nifer a difrifoldeb digwyddiadau a dyna pam rydym yn canolbwyntio ar drais yn erbyn menywod a merched.
Mae Arolwg Troseddu Cymru a Lloegr yn dweud y bydd bron i un o bob tair menyw wedi profi cam-drin domestig ar ryw adeg yn ystod eu hoes a bydd bron i un o bob pum menyw wedi profi rhyw fath o drais rhywiol.
Cyllid Ychwanegol Gwasanaethau Dioddefwyr rhwng 2021- 2025.
Cyhoeddodd y Weinyddiaeth Gyfiawnder £12 miliwn ychwanegol i ariannu Eiriolwyr Trais Domestig Annibynnol a Thrais Rhywiol a Hyrwyddir a Gwasanaethau Cymunedol rhwng 1 Ebrill 2021 a 31 Mawrth 2025. Llwyddom i gael cyllid ychwanegol ar gyfer Eiriolwyr Trais Domestig/Rhywiol Annibynnol sydd yn eu swydd ar draws rhanbarth De Cymru. Mae ein cyllid hefyd yn gweithio gyda llawer o sefydliadau i gefnogi dioddefwyr a goroeswyr Trais yn erbyn Menywod, Cam-drin Domestig a Thrais Rhywiol.
DRIVE
Mae Drive yn gweithio gyda chyflawnwyr sy’n achosi llawer o niwed i leihau achosion o cam-drin ac i wneud dioddefwyr/goroeswyr yn fwy diogel. Cafodd ei ddatblygu fel rhan o bartneriaeth rhwng Respect, SafeLives, a Social Finance mewn cydweithrediad â MOPAC, Comisiynwyr yr Heddlu a Throseddu, awdurdodau lleol, a darparwyr gwasanaeth. Mae Drive yn herio’r naratif canolog ynglŷn â cham-drin domestig, gan ofyn “pam nad yw’n stopio” yn hytrach na “pam nad yw hi’n gadael. Cytunodd y Comisiynydd i ehangu’r ddarpariaeth i bob un o’r saith ardal awdurdod lleol yn Ne Cymru.
Mae DRIVE yn parhau i wireddu buddiannau sylweddol, gan gynnwys dioddefwyr yn nodi eu bod yn teimlo’n fwy diogel, ynghŷd â llai o aildroseddu gan gyflawnwyr, yn bennaf oherwydd gallu’r asiantaethau i weithio gyda’i gilydd mewn ymyriadau cefnogol a thrwy amharu.
Yn Ne Cymru, ers dechrau‘r gwasanaeth hyd at 30 Medi 2024, mae nifer y cyflawnwyr niwed uchel a gefnogir bellach yn 1,684, mae dioddefwyr a goroeswyr sy‘n cael eu cefnogi yn 1,938 a‘r plant cysylltiedig a gefnogir yn 3,537. Yn ystod y 12 mis diwethaf yn unig, mae‘r rhaglen wedi derbyn atgyfeiriadau ar gyfer 299 o droseddwyr, gyda chefnogaeth ar gael i 331 o ddioddefwyr/goroeswyr gyda 683 o blant cysylltiedig.
Ein Tîm
Megan Stevens – Uwch Swyddog Polisi
Hannah Evans-Price – Swyddog Polisi
Naomi Evans – Swyddog Polisi
Natasha Hankey – Swyddog Cymorth Prosiect a Pholisi