Bwrdd Cyfiawnder Troseddol De Cymru

TROSOLWG A DIBEN

Mae Bwrdd Cyfiawnder Troseddol De Cymru yn gweithredu fel y prif fwrdd yn Ne Cymru. Mae’n darparu arweiniad strategol a threfniadau llywodraethu ar gyfer partneriaid troseddol a chyfiawnder cymdeithasol, gan sicrhau y caiff canlyniadau eu cyflawni’n effeithiol er mwyn lleihau achosion o droseddu ac aildroseddu a chreu cymunedau mwy diogel, yn ogystal â sicrhau y caiff adnoddau eu defnyddio’n effeithlon. Nod y bwrdd yw nodi cyfleoedd i gysoni gweithgarwch â threfniadau partneriaeth eraill ledled De Cymru er mwyn darparu dull ar y cyd i ddefnyddio adnoddau’n effeithlon a chyflawni blaenoriaethau’n effeithiol.

CYNLLUN CYFLAWNI BWRDD CYFIAWNDER TROSEDDOL DE CYMRU 2026

Mae Cynllun Cyflawni Bwrdd Cyfiawnder Troseddol De Cymru yn canolbwyntio ar y meysydd blaenoriaeth allweddol canlynol ar gyfer 2026:

1. Meithrin Ymddiriedaeth, Hyder a Thryloywder.
2. Lleihau Cyfraddau Aildroseddu
3. Cefnogi Dioddefwyr a Thystion
4. Mynd i’r Afael Ag Anghymesuredd

AELODAETH GRAIDD

Mae aelodaeth y bwrdd yn cynnwys llunwyr penderfyniadau lleol o’r sefydliadau canlynol:

• Comisiynydd yr Heddlu a Throseddu De Cymru
• Heddlu De Cymru
• Gwasanaeth Erlyn y Goron (CPS)
• Gwasanaeth Llysoedd a Thribiwnlysoedd Ei Fawrhydi
• Gwasanaeth Carchardai a Phrawf Ei Fawrhydi, sy’n cynrychioli’r Gwasanaeth Carchardai a Phrawf
• Gwasanaeth Cyfiawnder Ieuenctid
• Asiantaeth Cymorth Cyfreithiol
• Cymorth i Ddioddefwyr
• Gwasanaeth Tystion Cyngor ar Bopeth
• Bwrdd Cyfiawnder Troseddol Cymru
• Cyfiawnder Cymunedol Cymru
• Sefydliadau’r Sector Gwirfoddol

LLYWODRAETHU

Mae Bwrdd Cyfiawnder Troseddol De Cymru yn cynnal cyfarfodydd chwarterol (o leiaf). Mae’n adrodd yn uniongyrchol i Fwrdd Cyfiawnder Troseddol Cymru sy’n dod â phartneriaid cyfiawnder troseddol ynghyd, gan gynnwys: Gwasanaeth Carchardai a Phrawf Ei Fawrhydi, Gwasanaeth Llysoedd a Thribiwnlysoedd Ei Fawrhydi, Bwrdd Cyfiawnder Ieuenctid, Gwasanaethau’r Heddlu yng Nghymru, Prif Gwnstabliaid Cymru, Comisiynwyr yr Heddlu a Throseddu Cymru, Gwasanaeth Erlyn y Goron, Iechyd Cyhoeddus Cymru, Llywodraeth Cymru, Cymdeithas Llywodraeth Leol Cymru, cyrff y Sector Gwirfoddol a’r Comisiynydd Dioddefwyr. Caiff y Bwrdd ei gadeirio gan Gomisiynydd yr Heddlu a Throseddu De Cymru ar hyn o bryd.

Mae’r Bwrdd yn unigryw i Gymru ac yn galluogi aelodau, sef arweinwyr o bob rhan o’r system gyfiawnder, i gwrdd â rhanddeiliaid allweddol yng Nghymru er mwyn canolbwyntio ar faterion o bwys y mae’r cyhoedd yn teimlo’n gryf yn eu cylch ac eisiau rhoi sylw iddynt. Yn y flwyddyn 2024–2025, rhoddwyd pwyslais ar gam-drin domestig, ymateb i achosion o dreisio, hawliau dioddefwyr, lleihau cyfraddau troseddu a chyflawni’r cynllun Gwrth-hiliaeth Cyfiawnder Troseddol. I gael rhagor o wybodaeth am Fwrdd Cyfiawnder Troseddol Cymru, gweler yr adroddiadau blynyddol isod.

Mae’r Bwrdd Cyfiawnder Troseddol Cenedlaethol yn goruchwylio’r system cyfiawnder troseddol ar lefel genedlaethol ac yn hyrwyddo dull cydweithredol o fynd i’r afael â’i heriau. Caiff y Bwrdd Cyfiawnder Troseddol ei gadeirio gan yr Is-ysgrifennydd Gwladol Seneddol ar ran Weinyddiaeth Gyfiawnder. Mae’n cwrdd ddwywaith y flwyddyn gydag uwch-arweinwyr o bob rhan o’r System Cyfiawnder Troseddol yn eu mynychu.

ADRODDIADAU

Adroddiadau Blynyddol Bwrdd Cyfiawnder Troseddol Cymru