Grŵp Atebolrwydd a Dilysrwydd Plismona (PALG)

Mae aelodau PALG annibynnol o’r gymuned, a’r rhai sy’n cael eu cynrychioli gan amrywiaeth o sefydliadau, yn helpu’r Comisiynydd i hyrwyddo triniaeth deg ac arferion dilys ym mhob rhan o amgylchedd gwaith Heddlu De Cymru yn rhagweithiol ac wrth ddelio â chymunedau De Cymru. Mae’r grŵp yn goruchwylio ac yn craffu’n annibynnol ar Heddlu De Cymru mewn perthynas â’r canlynol:

• Defnyddio pwerau plismona (gan gynnwys stopio a chwilio a’r defnydd o rym)
• Hygyrchedd a thryloywder system ymddygiad a chwynion yr heddlu
• Datblygu polisïau, prosiectau ac arferion a’u rhoi ar waith
• Ymgysylltu a rhyngweithio â’r cyhoedd
• Materion tegwch yn y gwaith
• Annog amrywiaeth yn y gweithle
• Gwneud cynnydd yn erbyn amcanion cydraddoldeb a osodir fel rhan o Ddyletswyddau Penodol y Ddeddf Cydraddoldeb
• Ymddiriedaeth a hyder yn y gwasanaeth a ddarperir gan Heddlu De Cymru

Cynhelir cyfarfodydd bob chwarter a chânt eu cadeirio gan Aelod Annibynnol o’r Gymuned.

Mae cofnodion ar gael yn yr adran adnoddau a chyhoeddiadau.