Teitl Swydd: Cyfarwyddwr Partneriaethau, Cymunedau ac Atal Troseddau
Gradd: PO7 £59,715 – £63,594
Lleoliad: Pencadlys Heddlu De Cymru, Pen-y-bont ar Ogwr
Oriau: 37
Lefel Fetio Ofynnol: MV/SC
Y Rôl a Chyfrifoldebau
Rydym yn chwilio am arweinydd dynamig a chydweithredol i ymuno â Swyddfa Comisiynydd yr Heddlu a Throseddu fel Cyfarwyddwr Partneriaethau, Cymunedau ac Atal Troseddau. Yn y rôl hollbwysig hon, byddwch yn adrodd i’r Prif Weithredwr, yn llywio’r gwaith o feithrin a chynnal partneriaethau strategol ar draws nifer o sectorau, gan lywio dulliau arloesol i atal troseddau a chadw cymunedau’n ddiogel ledled De Cymru.
Yn dilyn ethol Comisiynydd yr Heddlu a Throseddu newydd ar gyfer De Cymru, Emma Wools, mae’r rôl hon yn cynnig cyfle rhagorol i lywio dyfodol y gwaith o atal troseddau a diogelwch cymunedol yn Ne Cymru. Byddwch yn allweddol wrth ddatblygu datrysiadau arloesol yn seiliedig ar bartneriaeth i heriau cymdeithasol cymhleth, gan weithio ar draws ffiniau sefydliadol i greu cymunedau mwy diogel a gwydn.
Byddwch yn arwain y gwaith o ddatblygu a gweithredu strategaethau atal troseddau a lleihau niwed amlasiantaeth ac yn goruchwylio’r gwaith o reoli a chyflawni rhaglenni allweddol wedi’u hariannu drwy grantiau.
Mae angen i chi feddu ar y gallu i feithrin a chynnal partneriaethau strategol ar draws y sectorau cyhoeddus, preifat a gwirfoddol ar gyfer y rôl. Dylunio a gweithredu mentrau diogelwch cymunedol sy’n mynd i’r afael ag achosion sylfaenol troseddau, ar y cyd â dulliau sy’n seiliedig ar dystiolaeth er mwyn atal troseddau a sicrhau diogelwch cymunedol.
Mae’r gallu i reoli cydberthnasau ag awdurdodau lleol, sefydliadau cymunedol, a phartneriaid busnes yn hanfodol, gan gynnwys gwerthuso effeithiolrwydd mentrau’r bartneriaeth a’r rhaglenni.
Bydd yr ymgeisydd delfrydol yn gallu dangos y sgiliau canlynol:
- Profiad helaeth o ddatblygu partneriaeth a rheoli rhanddeiliaid
- Profiad amlwg o ddylunio a gweithredu mentrau cymunedol llwyddiannus
- Gallu amlwg i reoli rhaglenni cymhleth wedi’u hariannu drwy grantiau
- Profiad o ddatblygu a gweithredu strategaethau atal troseddau
- Galluoedd arwain amlwg wrth reoli timau a phrosiectau amrywiol
- Profiad o reoli cyllid a dyrannu adnoddau
Yr Hyn Rydym yn ei Gynnig:
- Cyflog cystadleuol yn unol â lefel uwch y rôl
- Cynllun pensiwn rhagorol
- Cyfleoedd i ddatblygu’n broffesiynol
- Trefniadau gweithio hyblyg
- Amgylchedd gwaith cefnogol a chydweithredol
Mae’r rôl hefyd yn gofyn am y canlynol:
- Teithio ledled De Cymru yn rheolaidd
- Oriau gwaith hyblyg er mwyn mynychu cyfarfodydd partneriaeth a digwyddiadau cymunedol
- Ymrwymiad cryf i ymgysylltu â’r gymuned a gweithio mewn partneriaeth
- Y gallu i weithio ar draws ffiniau sefydliadol a diwylliannau
Mae Heddlu De Cymru a Swyddfa Comisiynydd yr Heddlu a Throseddu yn ymrwymedig i sicrhau cydraddoldeb, amrywiaeth a chynhwysiant. Rydym yn croesawu ceisiadau gan bob ymgeisydd cymwys ni waeth beth fo’i gefndir.
I gael rhagor o wybodaeth a thrafodaeth anffurfiol am y rôl, cysylltwch â Lee Jones (Prif Weithredwr) ar 01656 869366, neu e-bostiwch hrcommissioner@south-wales.police.uk.
I wneud cais, dylech gyflwyno CV cynhwysfawr a llythyr eglurhaol manwl i hrcommissioner@south-wales.police.uk yn nodi sut rydych yn bodloni gofynion y rôl hon erbyn hanner nos dydd Iau 20 Chwefror 2025. Dylech sicrhau nad yw eich llythyr eglurhaol yn fwy na dwy ochr o A4.